برنامج التوعية والوقاية من الحروق

هدف برنامج التوعية والوقاية من الحروق هو زيادة الوعي في المجتمع المصري حول كيفية الوقاية من حوادث الحروق والإسعافات الأولية اللازمة للمصابين.

برنامج التوعية من الحروق الخاص بالأطفال

أغلب حوادث الحروق للأطفال بتحصل في البيت كتير من الناس متعرفش إن السبب الشائع لحوادث الحروق عند الأطفال من المياه زي المشروبات السخنة، و فتح المياه السخنة من الحنفية عن طريق الخطأ، على عكس الشائع أن النار هي السبب الرئيسي.

 وهي حوادث يمكن الوقاية منها بسهولة عن طريق نشر التوعية الكافية، ودا اللى مؤسسة أهل مصر للتنمية بتبذل أقصى جهودها عشان تحد منه، من خلال تثقيف الآباء ومقدمي الرعاية سواء ممرضي أو أطباء وكمان الأطفال على مهارات الوقاية من الحروق وكيفية التعامل اثناء حوادث الحروق الخطيرة.

برنامج التوعية من الحروق للكبار:

مؤسسة أهل مصر للتنمية مش بس بتقدم برامج توعية خاصة بالأطفال، بنهتم كمان بتقديم برامج التوعية للبالغين سواء من شباب الجامعات، أو الأشخاص في الشركات، عن أساليب الوقاية من الحروق وتعليمات السلامة، وازاي يقدروا يتصرفوا في الحوادث الخطيرة ويحموا نفسهم.

ولأن معظم حوادث الحروق بتكون في البيت، وبالأخص في المطبخ، بنركز بشكل كبير في برامج وأنشطة التوعية اللي بتعملها المؤسسة على الأمهات، وازاي تحمي أطفالها من مخاطر الحروق وحوداث المطبخ.

الحرق بيحصل فى ثانيه وعلاجة بياخد سنين

الأطفال أقل من خمس سنين هما أكتر فئة معرضة لحوادث الحروق، اللي بتحصل في ثانية!!، عشان كدا برنامج التوعية الشامل حريص على تقديم  التعليمات للأهالي و للأطفال في المدارس الابتدائية والتمهيدية عن كيفية الوقاية من حوادث الحروق.