في لحظة … حياة شخص كاملة ممكن تتدمر بسبب تعرضه لحادثة حرق شديدة، ومع عدم وجود الرعاية الصحية الكاملة، بيعاني المصاب وأهله من  أضرار جسدية ومالية ونفسية مدمرة.
وهنا بيجي دور مؤسسة أهل مصر للتنمية ،لأنها ومن خلال البرنامج العلاجي الشامل بتوفر

 لمصابي الحروق وعائلاتهم العلاج والرعاية الصحية الكاملة وكل العمليات الجراحية اللازم 

البرنامج العلاجي الشامل مقسم على ثلاث مراحل أساسية:

•  العلاج الفسيولوجي: بيشمل الإسعافات والإجراءات الطبية المهمة اللي لازم تتم في أول ست ساعات عشان ننقذ بيها حياة مصابي الحروق، بالإضافة إلى جراحات ترقيع الندبات، وإعادة التأهيل البدني، والتغذية.
• برنامج إعادة التأهيل: إعادة التأهيل بتتحقق باستخدام طرق علاج خاصة زي السيطرة على الألم، وملابس الضغط، والتجبير وتحديد الأماكن، والعلاج الطبيعي.  
• الدعم النفسي: مؤسسة أهل مصر للتنمية بتوفر برامج دمج وبرامج تأهيل ودعم نفسي، يتم العمل فيهم على فهم الحالة النفسية اللي بيعاني منها مصابي الحروق بعد الحادثة؛ لأنها بتساعد الأطباء على فهم العواقب النفسية دي وتأثيرها في مراحل العلاج، ودا بدوره  بيساعدنا على فهم خدمات الدعم النفسي اللي ممكن نقدمها للمصابين، وبيساعد في سرعة شفاء مصابي الحروق.
• بالتالي ، بنقدر نقدم خدمات إعادة التأهيل المناسبة لوضع المصابين الاجتماعي والمهني والأسري وبنقدر نتعامل مع الاحتياجات العاطفية للمريض بشكل فعال.