برامج التأهيل الجسدي والاجتماعي والنفسي

 

في مؤسسة أهل مصر بنتبع أسلوب شامل في علاج مصابي الحوادث والحروق ومن أهم المراحل التي يتم الاهتمام بها هي إعادة التأهيل الجسدي والنفسي والأجتماعي، لأن هدفنا مش بس علاج المرضى، لكن الأهم هو أننا نرجعلهم الأمل في أنهم يقدروا يعيشوا حياتهم بصورة طبيعية ويعدوا المحنة اللي مروا بيها.

 

وفقاً للإحصائيات, 18% من ضحايا الحروق بيعانوا من إعاقة مستديمة و 17% بيعانوا من إعاقة مؤقتة، وده سببه هو تجاهل التأهيل الجسدي في الساعات الاولى الحرجة بعد الإصابة. عشان كده بنضمن ليهم التأهيل الجسدي في الساعات الأولي من الإصابة لحد ما تتم عملية الشفاء التام من خلال توفير جلسات علاج طبيعي في مراحل معينة من العلاج عشان نحافظ على النظام الحركي للمصاب.

 

كتير مننا بيقدّر ويتعاطف مع ضحايا الحروق لأننا بنبقى حاسين ومدركين مدى الألم والعجز اللي بيعانوا منه، لكن للأسف مش كلنا بنبقى شايفين الأثر النفسي الرهيب اللي بيكون مستخبي جواهم بسبب إحساسهم بفقدان الأمل في الحياة مرة تانية، مع العلم أن الآثار النفسية متقلش عن الآثار الجسدية وساعات كمان بتكون أكبر وألمها أصعب, سواء من التفكير في التشوه اللي حصلهم وكل لحظة بيفتكروا فيها ذكريات اللي حصل، أو أحساسهم بالرفض و المعاملة المختلفة من المجتمع وساعات حتى من أقرب الناس ليهم و ده بيكون أثره صعب و قاسي على نفسية المريض.

 

وهنا بيجي دور حملات التوعية اللي بنقوم بيها في كل المجتمعات المحلية وبيكون أغلب تركيزنا في المدارس، لأن الأطفال ضحايا الحروق بيواجهوا معاملة مختلفة من الناس حواليهم و ده ممكن يصيبهم بالعزلة التامة عن المجتمع وبالتالي مش بينتظموا في دراستهم أو بينقطعوا عنها تماما.

مع بعض هننقذ حياة

...
50
... ...
50
50%
من المستشفى تم استكمالها بنجاح لطلب الزيارة تبرع الآن

UNDERSTAND MY JOURNEY








مواعيد الزيارة من ١٠صباحاً حتي ٤مساءاً

نقدر لك تمامًا التبرع بأي مبلغ من شأنه أن يكون له تأثير كبير على حياة الكثيرين

تبرع الآن

لأن الطريقة الوحيدة التي يمكننا من خلالها إحداث فرق هي معًا

لمتابعة عملية التبرع بنجاح ، يرجى إضافة عنوانك داخل أو خارج مصر أدناه هنا.
* -حقول مطلوبة