تتبع مؤسسة أهل مصر منهج متكامل في التعامل مع ضحايا الحوادث والحروق. بجانب توفير الجراحة والعلاج، نوفر إعادة التأهيل الجسدى والعلاج الطبيعي، وده لأن الإحصاءات تشير إلى أن 18٪ من ضحايا الحروق بيعانوا من إعاقة دائمة و 17٪ بيعانوا من العجز المؤقت، وأحد أهم أسباب الحوادث و الحروق هو تجاهل أهمية إعادة التأهيل البدني في الساعات القليلة الأولى بعد الإصابة.
ناس كتير فاكرين أن علاج ضحايا الحروق مقتصر بس على العلاج الطبي، وبيتجاهلوا الصدمة النفسية اللي بيتعرض لها المصابين ازاي ممكن تأثر على حياتهم. الألم النفسي الناتج عن الحادث والتشوه بيكون مشكلة كبيرة بيعاني منها المصابين بالإضافة لنبذ المجتمع ليهم وبالتالي بيحتاجوا إعادة تأهيل نفسي، و خاصةً للسيدات والأطفال.
الجزء ده بيكون محتاج مجهود داخل المجتمعات المحلية لزيادة الوعي بكيفية التعامل مع ضحايا الحروق، وخاصة في المدارس ، لأن الأطفال اللي في المرحلة دي بيعانوا من العزلة بسبب ان اللي حواليهم رافضين يتقبلوهم بسبب اللي حصلهم وده في اوقات كتير بيؤدى الى ان الاطفال مش بيروحوا المدرسة وبينقطعوا عن الدراسة.
تبرع الآن
